吳日言(Yan)日前成功克服臍帶纏頸同埋BB位置等問題,順產誕下囡囡Bea:「陣痛到10個鐘嗰陣,BB心跳突然跌落80,情況並唔樂觀,再過多幾分鐘都未生,就應該要開刀。我當時冇諗其他嘢,只係諗住用力,就喺千鈞一髮,隱約聽到一班醫護人員同老公為我吶喊,教我忍氣用力倒數10聲。原來BB位置同臍帶問題影響出生,所以真係要多謝醫生嘅經驗同埋佢嘅果斷,幫我順利誕下BB,聽到BB嘅喊聲非常感動,不過我冇喊,因為已經筋疲力盡。」

Yan揀咗喺自己生日宣佈喜訊,雙喜臨門!佢話Bea係佢今年最大嘅生日禮物,真係甜到漏~

Yan啱啱就喺IG PO咗抱住B囡嘅相。

佢留言話:「生完Bea第一晚,我冇見過佢。因為我真係好攰,我唔係要急住見BB嘅媽咪,始終見過一面,好似同佢唔係好熟,未有牽腸掛肚嘅感覺。不過之後第一次餵母乳,原來感覺好奇妙,呢個過程係同BB建立關係嘅橋梁(樑),而呢種感覺係媽媽先至會明白。#支持餵哺母乳 #happybaby #bea」

相信呢種感覺媽媽都會明白,餵母乳真係唔簡單,要繼續加油呀!
(IG/綜合報道)

Loading...