藝人余文樂(樂仔)同台灣「皮帶大王」千金王棠云結婚之後,生咗個寶貝囝囝余初見(Cody),一家三口相當溫馨。
話咁快今日就係佢哋結婚一周年,王棠云喺社交網上載結婚當日嘅相。

留言:「一年了????再讓我好好懷念一下,再讓我放一下美美婚紗照,再讓我炫耀一下美麗的伴娘們,看看照片還是覺得像夢一樣。」

網民紛紛留言大讚啲相勁靚,仲話美好嘅事物值得一再回味呀!

美麗新娘子!
而樂仔都有分享兩張當日結婚嘅相,當中仲有咀嘴相,Sweet到暈!

佢留言:「一年前的今天我做了一個人生最大的決定。一年過後我知道我是除了做了一個最大的決定,也是做了最好的決定。謝謝你這一年對我的一切❤️」呢段愛的宣言真係冧到爆呀!

 
 
 
 
 
(ig / on.cc)

Loading...