到底現在是嬴還是輸,前路應該怎樣走下去?又應該用什麼心態繼續?

以下文章轉自《文宣很清楚開花這個責任 2.0》,看過之後,大家不仿反思一下未來的方向吧!

//

//《以為形勢好好,我哋可以輸到渣都冇》

如果你抗爭緊,但每日都開心到似去咗嘉年華,呢個時候你應該停一停、諗一諗…快樂又點會抗爭?抗爭又點會快樂?最多只有苦中作樂。

五年前點解會叫大家唔好再唱今天我,因為呢度唔係唱K小魚仙,唱歌係唔能夠打低窮兇極惡嘅敵人。

有一首歌,好多香港人一齊唱,覺得代表到自己民族,其實係好感動。但希望大家唔好當佢做一個用嚟逃避現實嘅帳幕,我哋陶醉喺呢種感動嘅時候,又或者掛住討論隻歌好唔好嘅時候,好多手足仍然受緊苦,被拘留、被虐打、被侵犯,甚至可能被殺。

以為形勢好好,我哋可以輸到渣都冇。向上緊,邁向緊勝利?831拎到片未?新屋嶺、被自殺追究到未?黑警濫權,武警混入,黑社會斬人,人權法可能減辣,甚至通過唔到,就連中秋賞月、行落商場都俾人拉,請問形勢有幾好?政權唔倒台,我哋唔會有自由,唔會有快樂,要完勝,先可以救返手足。

希望大家記得五年前我哋係點輸,今次再輸,唔係友誼第一比賽第二,唔係聽日一定會好天嘅,我哋面臨嘅係大清算、民族大清洗。唔敢出聲嘅可能會僥倖冇事,但你所熟悉嘅一切,包括社會、語言都會變得陌生,以後見到警察,你唔敢望,有嘢唔妥,你唔敢講,俾人打,都冇人幫。

「沒有大台」大家都識,但下一句其實更緊要-「只有群眾」。無人再需要討好你而發起任何行動,相反身為一個在乎民主自由公義嘅香港人,你就有公民義務去執行你想做,以及你做到嘅行動。

有打機都知,齋唱歌Buff唔出招,係無用咖。Fight for Freedom真係要Fight咖。希望大家可以再行前多一步,真係做到唔割席 ,唔拒絕外援,唔低估自己,唔識請主動去學習,做一切你能夠做嘅事。

放鬆完,請繼續,915幾驚,我都一定會到,希望你都係。有句口號由六月開始已經唔鍾意嗌,因為覺得好懦弱,但都真心想講一次,
香港人,加油,呢句唔應該只係口號,而係一個實際行動。//

*** 歡迎轉載 遍地開花 ***
如投稿請pm
———————-
#光復香港 #時代革命
#五大訴求 #缺一不可
#撤回送中惡法 #追究黑警濫權 #釋放被捕人士 #收回暴動定性 #全面雙真普選 #香港 #反送中 #香港人 #加油 #逃犯條例 #黑警 #林鄭 #hk#hongkong #liberatehongkong #revolutionofourtimes#freehongkong #democracynow #5demands #standwithhongkong#standwithhk

//
本文章內容皆轉載facebook專頁,一切內容均不代表本網站之立場,

未知資料是否屬實,本文謹供網友參考備份

來源如下:

文宣很清楚開花這個責任 2.0

Loading...